EuFoA's Secretary General, Dr Michael Kambeck, on 6 September 2012,
commenting on the Safarov case, European and international reactions, and future steps to follow
commenting on the Safarov case, European and international reactions, and future steps to follow
Սեղմե՛ք այստեղ հայերեն տիտրերով տեսագրությունը դիտելու համար:
Թափանցիկությունը վստահելիություն է ներշնչում: Մենք հպարտ ենք լինել արտաքին գործերով զբաղվող ՀԿ-ների մեջ առաջինների շարքում, որոնք գրանցվել են ԵՄ-ի կամավոր Թափանցիկութան Ռեգիստրում և հավատարիմ են վերջինիս Վարքագծին (գրանցման համար 71696536357-87):
ԵԱՀԿ/ԺՀՄԻԳ դիտորդական առաքելությունը և Օմբուդսմանը հրապարակել են իրենց զեկույցները Հայաստանի խորհրդարանական ընտրությունների վերաբերյալ
ԵԱՀԿ/ԺՀՄԻԳ Ընտրությունների դիտորդական առաքելությունը և Հայաստանի Մարդու իրավունքների պաշտպանը վերջերս հրապարակել են իրենց զեկույցները 2012 թ. մայիսին կայացած Հայաստանի խորհրդարանական ընտրությունների վերաբերյալ: Ստորև ձեր ուշադրությանն ենք ներկայացնում որոշ հատվածներ այդ զեկույցներից:
Հատվածներ ԵԱՀԿ/ԺՀՄԻԳ Ընտրությունների դիտորդական առաքելության վերջնական զեկույցից
«Ընտրական քարոզարշավը մրցունակ, աշխույժ և հիմնականում խաղաղ էր բռնության որոշ առանձին դեպքերով: Ընտրական օրենսգրքի այն դրույթները, որոնք միտված էին քարոզարշավի վայրերի և պլակատների համար հատկացվող տարածքի հարցում բոլոր թեկնածուների հավասար իրավունքներն ապահովելուն, հիմնականում հարգվել են: Միաժամանակ քարոզարշավը նշանավորվել է ընտրական գործընթացում հանրության և շահագրգիռ շատ կողմերի վստահության ցածր մակարդակով, ինչպես նաև ընտրական խախտումների, հատկապես քվեների գնման մասին հայտարարությունների դեպքերով»:«Իրավական դաշտը անհարկի սահմանափակում է ընտրություններին առնչվող դիմումներ և բողոքներ ներկայացնելու իրավունքը: Այս և այն եղանակը, որով ընտրական հանձնաժողովները և դատարանները քննել են ընտրական վեճերը, հաճախ թողել են շահագրգիռ անձանց առանց իրենց բողոքների արդյունավետ քննության... Ընտրական հանձնաժողովները և դատարանները բողոքները քննելիս ընդհանուր առմամբ ցուցաբերել են չափազանց ձևական մոտեցում` հաճախ մերժելով բողոքները տեխնիկական պատճառներով կամ առանց քննելու գործի բուն էությունը կամ համապատասխան ապացույցները»:
Հատվածներ Մարդու իրավունքների պաշտպանի արտահերթ զեկույցից
«Բոլոր շահագրգիռ անձանց և դիտորդ կազմակերպությունների կողմից այս ընտտրություններում ամենադրականը գնահատվել է ընտրությունների լուսաբանումը, որի հետ կապված բացառիկ առաջընթաց է գրանցվել համեմատած նախորդ բոլոր ընտրությունների հետ: Զանգվածային լրատվության միջոցները բոլոր թեկնածուներին և քաղաքական ուժերին հնարավորություն ընձեռեցին իրենց տեսակետները, գաղափարներն ու ծրագրերը ներկայացնել հանրությանը»:«Ի տարբերություն նախորդ ընտրությունների, երբ զանգվածային բնույթ էին կրում լցոնումները, ձայների հաշվարկի ընթացքում կեղծումները, բռնությունները, բազմակի քվեարկությունները, այս ընտրությունները էականորեն և դրականորեն տարբերվեցին: Բոլոր արձանագրված խախտումներից ամենամտահոգիչը եղել է ընտրակաշառքի բաժանման երևույթը: Հանրության որոշ մասի համոզմամբ ընտրակաշառքի դեպքերը եղել են զանգվածային: Չնայած նման համոզմանը, այդ մասին փաստող ապացույցները և հիմնավոր վկայությունները բացակայում են: Ընտրակաշառքների վերաբերյալ արձանագրված շուրջ հարյուր ահազանգերի ծանրակշիռ մասը իրավապահ մարմինների կողմից ճանաչվել է անարժանահավատ: Ընտրակաշառքների բաժանման իրական ծավալների բացահայտման պարտականությունը կրում են հենց իրավապահ մարմինները, այնինչ վերը թվարկված գրեթե բոլոր դեպքերով ոստիկանության և դատախազության աշխատանքի արդյունքները խիստ միատեսակ են և չափազանց անբավարար: Նման գործելաոճը չի կարող կանխել ընտրակաշառքի բաժանման դեպքերը հաջորդ ընտրություններին և էականորեն նվազեցնում է հանրության վստահությունը այդ մարմինների ու ընտրությունների արդյունքների նկատմամբ»:
Published on Thursday 28 June 2012